Օրթեզներ և բանդաժներ


Սեզոնային առաջարկ


Կազմակերպության նորությունները
Պուլսաչափեր Բարրի խանութ-սրահում
25.09.2018
Պուլսաչափեր Բարրի խանութ-սրահում
Հարգելի՛ հաճախորդներ, Բարրի խանութ-սրահում կարող եք գտնել պուլսաչափեր – բժշկական ստուգիչ, ախտորոշիչ սարք` մազանոթային արյան մեջ թթվածնի հագեցվածության մակարդակը չափելու համար:
 

 Շնչառական վարժությունների սարքեր «Բարրի»-ում
19.09.2018
Շնչառական վարժությունների սարքեր «Բարրի»-ում
Հարգելի՛ հաճախորդներ, «Բարրի» խանութ-սրահը ներկայացնում է շնչառական վարժությունների համար նախատեսված սարքեր, որոնք կիրառվում են շնչառական, սրտանոթային և այլ հիվանդությունների բուժման և կանխարգելման համար:
 

Նվերներ սպորտով զբաղվողների համար «Բարրի»-ում
17.09.2018
Նվերներ սպորտով զբաղվողների համար «Բարրի»-ում
Հարգելի՛ հաճախորդներ, Բարրի խանութ-սրահն առաջարկում է նվերներ նրանց համար, ովքեր վարում են առողջ ապրելակերպ և սիրում են զբաղվել սպորտով։
 



Օրթեզներ և բանդաժներ

Բժշկական բանդաժները հատուկ հարմարանքներ են (գոտիներ), որոնք օգտագործում են մարմնի որևէ մասը, օրգանների համակարգը ճիշտ դիրքում ֆիքսելու և պահելու համար: Կախված իրենց նշանակությունից՝ բանդաժները լինում են հղիների համար, հետծննդաբերական, նախածննդաբերական; հետվիրահատական, ճողվածքային, աճուկային, օրթոպեդիկ (ուսային, ծնկային, սրունքաթաթային) և այլն:




Ուսի համար
Ուսային հոդի ֆիքսատորները օգտագործվում են անշարժացման նպատակով, ինչպես առանձին, այնպես էլ վերևին վերջույթի հոդերի համար նախատեսված այլ հարմարանքների հետ զուգակցված (գիպսային վիրակապերի և այլն): Սահմանափակվում են ուսի շարժումները, նվազում է ցավը և այլն:
Արմունկային
Արմունկային ֆիքսատորները օգտագործվում են արմունկային հոդերը, ջիլերը և փափուկ հյուսվածքները պահելու համար, փափուկ հյուսվածքների ֆիքսացիայի և հավասարաչափ կոմպրեսիայի համար: Կան փափուկ, էլաստիկ մոդելներ, ինչպես նաև մոդելներ առավել ամուր ֆիքսացիայի համար՝ ճարմանդներով և գոտիներով:
Դաստակի հոդի համար
Դաստակի ֆիքսատորները սահմանափակում են հոդերի շարժունակությունը, որոշ մոդելները կարող են օգտագործվել գիպսային լոնգետի փոխարեն (բժշկի նշանակությամբ): Կիրառվում են վնասվածքների, ջիլերի գերաձգումների, դաստակի հոդախախտումների, արթրիտների դեպքում:
Ծնկի համար
Այստեղ ներկայացված են ծնկի համար օրթոպեդիկ հարմարանքների բազմազան մոդելներ: Ծունկի հատվածը հաճախ է ենթարկվում վնասվածքների, հատկապես՝ սպորտով զբաղվելիս: Ծնկայի հոդի ֆիքսատորները նախատեսված են վնասվածքներից և վիրահատություններից հետո ծանրաբեռնվածությունը հանելու, շարժումները նվազեցնելու համար: Գնելուց առաջ անպայման խորհրդակցեք բժշկի հետ, քանի որ ծնկի օրթեզների և բանդաժների մոդելները տարբեր են և ունեն ֆիքսացիայի այս կամ այն աստիճանը:
Սրունքաթաթի համար
Նախատեսված են սրունքաթաթային հոդի ֆիքսացիայի համար` ապահովելով կայունություն: Սպորտով զբաղվելու, ջիլային համակարգի վնասվածքների, սրունքաթաթային հոդի անկայունությունից առաջացած վնասվածքների կանխարգելում: Հուսալի պահում են հոդերը, ջիլերը և փափուկ հյուսվածքները: Տարբերվում են ձևով, նյութերով, ամրության աստիճանով և այլն:
Ողնաշարի համար
Նախատեսված են ողնաշարը ճիշտ դիրքում ֆիքսելու համար, նվազեցնում են մեջքի ծանրաբեռնվածությունը, կանխում են սխալ շարժումները և այլն: Կիրառվում են սուր և խրոնիկական ցավերի, օսթեոխոնդրոզի և ողնաշարի այլ դեգեներատիվ հիվանդությունների դեպքում: Տարբերվում են ձևով, նյութերով, ամրության աստիճանով և այլն:
Վզի համար
Գլուխը պահող հարմարանքները նախատեսված են ողնաշարի վզի հատվածի այս կամ այն աստիճանի ֆիքսացիայի համար: Դա անհրաժեշտ է լինում վզի հատվածի հիվանդությունների, վզի ջիլերի, մկանների վնասվածքների դեպքում և այլմ: Մոդելները միմյանցից տարբերվում են ֆիքսացիայի աստիճանի մակարդակով, նյութերով, ազդեցությամբ:
Հետվիրահատական բանդաժներ, գռիժայի դեմ բանդաժներ
Կիրառվում են որովայնի շրջանում վիրաբուժական միջամտությունից հետո: Նախատեսված են հետվիրահատական շրջանում ռեաբիլիտացիայի համար: Նվազեցնում են կարի վրա ծանրաբեռնվածությունը և կանխում են հետվիրահատական կարի եզրերի պատռվածքը:
Բանդաժներ հղիների համար
Հղիության ընթացքում և հղիությունից հետո օրթոպեդիկ բանդաժները ֆիքսում են որովայնախոռոչի և փոքր կոնքի օրգանները ավելի հարմար ֆիզիոլոգիական դիրքում:
Կոնքա-ազդրային
Օգտագործվում են ճողվածքային պարկը պահելու համար` միակողմանի կամ երկկողմանի ճողվածքի (գրիժայի) դեպքում:
Սպորտային
Սպորտային օրթոպեդիկ հարմարանքները նախատեսված են սպորտով զբաղվելու ժամանակ ջիլային վնասվածքներ ստանալը կանխելու համար, ինչպես նաև ռեաբիլիտացիայի շրջանում ջիլերի կրկնակի վնասվածքների զարգացման ռիսկը նվազեցնելու համար: