Անվճար տրամադրվող աջակցող միջոցների ցանկն ընդլայնվել է
Մենք տրամադրում ենք անվճար աջակցող միջոցներ՝ պետական հավաստագրերի հիման վրա։
Այժմ ֆունկցիոնալության խորը աստիճանի սահմանափակում ունեցող անձանց (երեխաների դեպքում՝ նաև ծանր աստիճանի սահմանափակում) տրամադրվում են մեկանգամյա օգտագործման տակդիրներ՝ անվճար։
Տակդիրները տրամադրվում են ամսական մինչև 120 հատ՝ համապատասխան բժշկական ցուցումների առկայության դեպքում (ողնուղեղի և գլխուղեղի վնասվածքներ, ուռուցքային հիվանդություններ, շաքարային դիաբետ տարեցների մոտ, ինֆեկցիոն հիվանդություններ, հոգեկան և վարքային խանգարումներ)։
Եթե տակդիրի օգտագործումը ներառված է Ձեր Ծառայությունների անհատական ծրագրում (ԾԱԾ), կարող եք ստանալ այն պետական հավաստագրով՝ դիմելով մեզ։
ԾԱԾ-ի բացակայության դեպքում անհրաժեշտ է դիմել համապատասխան բժշկական հաստատություն՝ գնահատում անցնելու համար։
Մեր կազմակերպությունում հնարավոր է ստանալ աջակցող միջոցները, ինչպես նաև պատվիրել առաքում՝ Հայաստանի ողջ տարածքում անվճար։