Աջակցող միջոցներ՝ պետ․ հավաստագրով

ԸՆԴԱՄԵՆԸ 5 ՔԱՅԼ՝

ԱՆՎՃԱՐ ՎԵՐԱԿԱՆԳՆՈՂԱԿԱՆ ԵՎ ԱՋԱԿՑՈՂ ՄԻՋՈՑՆԵՐ ՍՏՆԱԼՈՒ ՀԱՄԱՐ՝ ՀԱՅԱՍՏԱՆԻ ՈՂՋ ՏԱՐԱԾՔՈԻՄ ԱՆՎՃԱՐ ԱՌԱՔՄԱՄԲ

Քայլ 1. Ֆունկցիոնալության գնահատում

Աջակցող միջոցը նշանակվում է ֆունկցիոնալության գնահատման արդյունքում։

Ֆունկցիոնալության գնահատման համակարգը սահմանում է հաշմանդամության կարգավիճակ և մշակում է ծառայությունների անհատական ծրագիր, որտեղ նշված է, թե ինչ ծառայությունների և աջակցող միջոցների կարիք ունի անձը։

Քայլ 2. Բժշկասոցիալական փորձաքննություն

Բժշկասոցիալական փորձաքննությունն իրականացվում է անձի կենսագործունեության սահմանափակման աստիճանը որոշելու, նրան հաշմանդամություն ունեցող անձ ճանաչելու` «հաշմանդամ երեխա» կարգավիճակ և հաշմանդամության խումբ սահմանելու, հաշմանդամություն ունեցող անհատական վերականգնողական ծրագիր մշակելու և հաստատելու մասին որոշում ընդունելու համար:

Փորձաքննության ավարտից հետո բժշկի կողմից տրամադրվում է տեղեկանք, որը հավաստում է համապատասխան աջակցող միջոցի (օրինակ՝ սայլակ, լսողական սարք, պրոթեզ և այլն) անհրաժեշտությունը։

Քայլ 3. Դիմում Միասնական սոցիալական ծառայություն

Ծառայությունների անհատական ծրագիր ստանալուց հետո շահառուն կամ նրա ներկայացուցիչը պետական հավաստագիր ստանալու համար պետք է դիմի Միասնական սոցիալական ծառայության (ՄՍԾ) տարածքային կենտրոն։

Ի՞նչ փաստաթղթեր են անհրաժեշտ՝

դիմում,

անձը հաստատող փաստաթուղթ,

սոցիալական ապահովության քարտ կամ հանրային ծառայությունների համարանիշ կամ հանրային ծառայությունների համարանիշ չստանալու վերաբերյալ տեղեկանք,

ներկայացուցչի դիմելու դեպքում՝ շահառուի  կողմից գրավոր լիազորագիր և ներկայացուցչի անձնագիր:

Լսողական սարքի դեպքում՝ նաև տեղեկանք քիթ-կոկորդ-ականջաբանի կողմից` ծանրալսողության և լսողական սարքի անհրաժեշտության մասին և աուդիոմետրիա։

Օրթեզների դեպքում, նշված փաստաթղթերից բացի, մինչև 18 տարեկանները պետք է ներկայացնեն նաև մասնագիտացված բժշկական կազմակերպության եզրակացություն (անկախ հաշմանդամություն ունենալուց), իսկ 18 տարեկանից բարձր անձինք՝ Միասնական սոցիալական ծառայության եզրակացություն (հաշմանդամություն ունենալու դեպքում)։

Քայլ 4․Հավաստագրի ստացում

Միասնական սոցիալական ծառայության կողմից ներկայացված փաստաթղթերը ուսումնասիրելուց հետո տրամադրվում է հավաստագիր և ծառայություն մատուցող կազմակերպությունների ցանկը։

Քայլ 5. Ծառայություն մատուցող կազմակերպությունների ընտրություն

Անձը ինքն է ընտրում այն կազմակերպությունը, որտեղից ցանկանում է ստանալ պարագան և մոտենում ստանալու համար։

Ինչպե՞ս տեղեկանալ հավաստագրի տրամադրման  մասին

Եթե հասվաստագրի տրամադրման մասին ծանուցում չեք ստացել, զանգահարե՛ք թեժ գիծ (114)։ Առցանց դիմելու դեպքում տեղեկացեք՝ info@mlsa.am էլ փոստի միջոցով։

Ստացեք Ձեր աջակցող միջոցը Barry-ի Ձեզ հարմար մասնաճյուղում

📍 ք․ Երևան, Ագաթանգեղոսի 6/4 📞 0 8000 0001
📍 ք․ Երևան, Բաղրամյան 53 📞 0 8000 0001
📍 ք․ Երևան, Տիտոգրադյան 2/10 📞 0 8000 0001
📍 ք․ Երևան, Ֆուչիկի 19/7 📞 0 8000 0001
📍 ք․ Երևան, Գյուրջյան 9/2 📞 0 8000 0001

📍 ք․ Վանաձոր, Տ․ Մեծի 55-2 📞 0 8000 0001
📍 ք․ Գյումրի, Սայաթ Նովա 3/2 📞 +374 41 151654
📍 ք․ Գյումրի, Մոցարտի 37 📞 +374 93 003134

📍 ք․ Գորիս, Մաշտոցի 21 (Բազունց ֆարմ դեղատուն) 📞 +374 41 441409

📍 ք․ Սպիտակ, Աճեմյան 35 📞 +374 44 301026
📍 ք․ Ալավերդի, Սայաթ Նովա 3 📞 +374 44 301027

📍 ք․ Հրազդան, Միկրոշրջան թաղամաս, 13-րդ փողոց, 16/1 📞 +374 98 055100

📍 Լոռու մարզ, Տաշիր համայնք, գ․ Մեծավան, Թումանյան 11 📞 +374 44 301029