Սուպինատոր անհատական, օրթոպեդիկ

Barry անհատական ներդիրները պատրաստվում են հաճախորդի ոտնաթաթի անատոմիական առանձնահատկությունները, հիվանդություննեը և վնասվածքները հաշվի առնելով։

Ներդիրները նախատեսված են ոտնաթաթի այն հատվածների շտկման, ֆիքսացիայի և ծանրաբեռնվածության թեթևացման համար, որոնք մասամբ կամ ամբողջությամբ չեն գործում ոտքի բիոմեխանիկայի օրենքների և նորմերի համաձայն, ինչն իր հերթին հանգեցնում է մարդու ողջ հենաշարժիչ համակարգի տարբեր հիվանդությունների:

Յուրաքանչյուր հիվանդին անահատական մոտեցումը, մեզ հնարավորություն է տալիս լուծել ոտնաթաթի հիվանդությունների և վնասվածքների բուժման հետվիրահատական ​​շրջանի հետ կապված խնդիրները, առկա ֆունկցիոնալ խանգարումները, գենետիկ և բնածին հիվանդությունների հետ կապված հետևանքները, մասնագիտական ​​գործունեության հետ կապված փոփոխությունները, էնդոկրին հիվանդությունները (շաքարային դիաբետ), պրոֆեսիոնալ ​​սպորտով զբաղվելը և այլն:

Ինչպես փորձը ցույց է տվել, անհատական ներդիրների օգտագործումը, իսկապես փոխում է առօրյա կյանքի և աշխատանքի որակը: Ակտիվ և պասիվ պելոտների ճիշտ ընտրված բարձրությունը և մակերեսը, օգտագործված նյութերը և դրանց ֆիզիկական հատկությունները դարձնում են ներդիրները բազմաֆունկցիոնալ, թեթև և գործնական ամենօրյա օգտագործման համար՝ ինչպես աշխատավայրում, այնպես էլ տանը, ինչպես նաև ակտիվ սպորտով զբաղվելու ժամանակ։

Ի տարբերություն զանգվածային արտադրության օրթոպեդիկ ներդիրների, անհատական պատրաստվող օրթոպեդիկ ներդիրները ունեն ակտիվ և պասիվ պելոտներ, որոնք ընտրվում են անհատապես՝ ոտքի մակերեսին համապատասխան:

Ում է անհրաժեշտ անհատական օրթոպեդիկ ներդիրներ:

·       մարդկանց, ովքեր անհարմարություն կամ ցավ են զգում քայլելիս և սպորտով զբաղվելիս:

·       երեխաներին և դեռահասներին հենաշարժիչ համակարգի ձևավորման ժամանակ:

·       հղի կանանց;

·       տարեցներին;

·       ավելորդ քաշ ունեցող մարդկանց;

·       մարզիկներին;

·       մարդկանց, ում մասնագիտությունը կապված է ոտքերի վրա երկար մնալու հետ

·       հենաշարժիչ համակարգի հիվանդություններ ունեցող անձանց;

·       երակային քրոնիկ հիվանդություններ ունեցող անձանց;

·       մարդկանց, ովքեր ունեցել են ոտքերի և ողնաշարի վնասվածքներ:

Անհատական ​​օրթոպեդիկ ներդիրների օգտագործման ցուցումները

• Հարթաթաթություն. Դա ոտնաթաթի ամենատարածված հիվանդություններից է։ Կանանց մոտ շատ անգամ ավելի հաճախ է հանդիպում այս խնդիրը, քան տղամարդկանց։ Հարթաթաթությունը կարող է առաջացնել արթրոզ (հոդերի հիվանդություն), ծնկների հոդերի, ազդրի հոդերի և ողնաշարի տարբեր հիվանդություններ:

• Hallux Valgus-ը ոտքի առաջին մատը (բթամաթը՝ hallux), ոտնաթաթին կապող հոդի վալգուսային դեֆորմացիան է: Valgus դեֆորմացիան ամենատարածվածներից է: Շատ հաճախ դեֆորմացայի պատճառը կրունկներով կամ չափազանց նեղ կոշիկներն են, որոնք հետագայում հանգեցնում են Hallux Valgus-ի առաջացմանը։  

• Ողնաշարի տարբեր հիվանդություններ. Ամենատարածված հիվանդությունը սկոլիոզն է կամ սկոլիոտիկ կեցվածքը: Մեկ այլ հիվանդություն է օստեոխոնդրոզը: Ոտնաթաթը հեռու է ողնաշարից, ուստի հաճախ հիվանդները սխալմամբ ոտնաթաթի հիվանդությունները չեն կապում ողնաշարի հիվանդությունների հետ։

• Ոտքերի տարբեր երկարություններ. Սուպինատորները միջոցով կարելի է  շտկել նաև այս խնդիրը: Ոտքերի տարբեր երկարությունները կարող են առաջացնել սկոլիոզ, ինչպես նաև ողնաշարային մարմինների և միջողնաշարային տարածության դեգեներատիվ փոփոխություններ:

• Ռևմատոիդ ոտնաթաթ. Ռևմատիզմի դեպքում բոլոր հոդերը կարող են վնասվել, իսկ ոտնաթաթի դեֆորմացիան հատկապես տարածված է:

• Ծուռթաթություն. Ծուռթաթությունը ոտնաթաթի բնածին դեֆորմացիա է: Առավել հաճախ արտահայտվում է նրանով, որ կրունկը շրջված է դեպի ներս կամ դեպի դուրս։

• Կոճերի շրջանում հաճախակի գերձգումներ և այլն։

Հակացուցումներ

Անհատական ​​ներդիրները պատրաստվում են որակավորված մասնագետի կողմից՝ հաշվի առնելով տարիքը, ոտքի չափը, կոնկրետ անհատի բոլոր անատոմիական առանձնահատկությունները և հիվանդությունները, հետևաբար, նման ներդիրները, որպես կանոն, հակացուցումներ չունեն։