Ինչպես ստանալ պետական հավաստագիր

ԸՆԴԱՄԵՆԸ 5 ՔԱՅԼ՝

ԱՆՎՃԱՐ ՎԵՐԱԿԱՆԳՆՈՂԱԿԱՆ ԵՎ ԱՋԱԿՑՈՂ ՄԻՋՈՑՆԵՐ ՍՏՆԱԼՈՒ ՀԱՄԱՐ՝ ՀԱՅԱՍՏԱՆԻ ՈՂՋ ՏԱՐԱԾՔՈԻՄ ԱՆՎՃԱՐ ԱՌԱՔՄԱՄԲ

Քայլ 1. Անցնել ֆունկցիոնալության գնահատում․

Աջակցող միջոցը երաշխավորվում (ցուցվում է) է անձի ֆունկցիոնալության գնահատման արդյունքում՝  որոշվում է անձի ֆունկցիոնալության սահմանափակման աստիճանը և մշակվում է ծառայությունների անհատական ծրագիրը (ԾԱԾ), որտեղ նշված է, թե ինչ ծառայությունների և աջակցող միջոցների կարիք ունի անձը։

Քայլ 2. Եթե մինչև 2024թ-ն անցել եք բժշկասոցիալական փորձաքննություն և ունեք ժամկետի մեջ վերականգնողական անհատական ծրագիր (ՎԱԾ)․

Քայլ 3. Դիմում Միասնական սոցիալական ծառայության ցանկացած տարածքային կենտրոն՝

1. Եթե լրացել է ՎԱԾ-ի ժամկետը կամ կորցրել եք ժամկետի մեջ գտնվող ՎԱԾ-ը՝ դիմումը լրացվում է Աջակցող միջոցների երաշխավորության տեղեկանք ստանալու համար, 

2. Եթե ունեք պետական հավաստագի ստանալու իրավունք ունեցող այլ շահառուի կարգավիճակ, օրինակ ընտանիքների անապահովության 28 և ավել միավորի վերաբերյալ փաստաթուղթ՝ տրված համապատասխան մարմնի կողմից

3. ՎԱԾ-ի կամ Աջակցող միջոցների երաշխավորության տեղեկանքի կամ ԾԱԾ-ի կամ առայությունների դեպքում, շահառուն կամ նրա ներկայացուցիչը պետական հավաստագիր ստանալու համար ներկայացնում է դիմում  Միասնական սոցիալական ծառայության (ՄՍԾ) որևէ  տարածքային կենտրոն  կամ առցանց դիմումների ներկայացման E-request  համակարգով։

Ի՞նչ փաստաթղթեր են անհրաժեշտ՝

• դիմում,

• անձը հաստատող փաստաթուղթ,

• սոցիալական ապահովության քարտ կամ հանրային ծառայությունների համարանիշ կամ հանրային ծառայությունների համարանիշ չստանալու վերաբերյալ տեղեկանք,

• ներկայացուցչի դիմելու դեպքում՝ շահառուի  կողմից գրավոր լիազորագիր և ներկայացուցչի անձնագիր:

• պետական հավաստագի ստանալու իրավունք ունեցող այլ շահառուի կարգավիճակը հաստատող փաստաթուղթ՝ տրված համապատասխան մարմնի կողմից

Լսողական սարքի դեպքում՝ նաև տեղեկանք քիթ-կոկորդ-ականջաբանի կողմից` ծանրալսողության և լսողական սարքի անհրաժեշտության մասին և աուդիոմետրիա։

Օրթեզների դեպքում, նշված փաստաթղթերից բացի, մինչև 18 տարեկանների համար պետք է ներկայացվեն նաև մասնագիտացված բժշկական կազմակերպության եզրակացություն (անկախ հաշմանդամություն ունենալուց), իսկ 18 տարեկանից բարձր անձինք՝ Միասնական սոցիալական ծառայության եզրակացություն (հաշմանդամություն ունենալու դեպքում)։

Քայլ 4․Հավաստագրի ստացում

Միասնական սոցիալական ծառայությունը ներկայացված փաստաթղթերը ուսումնասիրելուց հետո Աջակցող միջոցների տրամադրման տեղեկատվական համակարգում մշակում է համապատասխան հավաստագիրը (երը), որի մասին գրավոր տեղեկացնում է դիմողին, տրամադրելով նաև  ծառայություն մատուցող կազմակերպությունների ցանկը։

Քայլ 5. Ծառայություն մատուցող կազմակերպությունների ընտրություն

Անձը ինքն է ընտրում այն կազմակերպությունը, որտեղից ցանկանում է ստանալ պարագան և մոտենում ստանալու համար։

Barry (ԲԱՐՐԻ) -ին ընտրելու դեպքում Դուք կարող եք ընտրել Ձեզ առավել հարմար տարբերակը՝

• մոտենալ մեր մասնաճյուղերից որևէ մեկը 

• կամ պատվիրել առաքում 

Առաքումը իրականացվում է անվճար՝ Հայաստանի ողջ տարածքում։