Բանդաժ ծնկահոդի սիլիկոնե ներդիրով Barry K-06
K-06 բանդաժը ծնկային հոդը ֆիքսող արտաքին կիրառման շրջանաձև, էլաստիկ հարմարանք է նախատեսված թեթև աստիճանի ֆիքսում ապահովելու համար: Ցուցաբերում է նաև կոմպրեսիոն ազդեցություն: Օգտագործվում է հիվանդանոցային, ամբուլատոր և տնային պայմաններում: Տվյալ հարմարանքը նախատեսված է բազմանգամյա օգտագործման համար: Պատրաստված է շնչող և խոնավաթափանց էլաստիկ նյութից, չի առաջացնում ալերգիաներ և չի գրգռում մաշկը: Բանդաժն ունի անատոմիկ տեսք, թեթև է և հարմար կրել տարվա յուրաքանչյուր եղանակին, տարատեսակ հագուստի հետ:
Աշխատանքի սկզբունքը. K-06 բանդաժի աշխատանքի հիմքում ընկած է ծնկային հոդի ֆիքսումն ու կոպրեսիոն ազդեցության ցուցաբերումը: Հատուկ շրջանաձև սիլիկոնե օղակը ամրացնում և պաշտպանում է ծնկային թասակը: Բանդաժի կտորի հատուկ կարատեսակը տաքացնում է ծնկային հոդն ու ցուցաբերում մերսող ազդեցություն: Փոխարինում է ծնկային հոդի ամրացման պակասը: Բարելավում է ծնկային հոդի շրջակայքում արյան շրջանառությունը և նվազեցնում է այտուցվածությունները:
ՈՒՇԱԴՐՈՒԹՅՈՒ՛Ն. Ծնկային հոդը ֆիքսող բանդաժը՝ K-06 օգտագործել միայն բժշկի նշանակության դեպքում՝ նրա հսկողության ներքո:
Օգտագործման ցուցումները. Ծնկային հոդի տարաբնույթ ցավեր, անկայունություն, ծնկային հոդի ջլերի այտուցներ, բորբոքումներ և ձգում: Ծնկային հոդի և ծնկային թասակի քրոնիկ հիվանդություններ (ծնկոսկրի խոնդրոմալացիա, արթրիտ, բարձիկաբորբ (բուրսիտ), տենդովագինիտ, տենդոմիոպատիա, սինովիտ, ձևափոխվող արթրոզ): Ծնկոսկրի և ծնկային հոդի վնասվածքների վերականգնում և հետվիրահատական գործընթաց, ծնկային հոդի ծանրաբեռնվածություն պահանջող աշխատանքների և մարզանքների ժամանակ վնասվածքների կանխարգելում:
Հակացուցումներ. Բանդաժի գործածման հատվածում մաշկային հիվանդությունների և վերնամաշկի վնասվածքների առկայություն, այտուցված սպիեր, հիպերտեմիա, արյան ու ավշային հոսքի խախտումներ, բանդաժի կազմի մեջ մտնող նյութերի նկատմամբ ալերգիաներ:
Հնարավոր կողմնային բարդությունները. Հպումային մաշկաբորբ, բանդաժի կազմի մեջ մտնող նյութերի նկատմամբ ալերգիաներ:
Ուշադրությու՛ն. Բանդաժի օգտագործման ընթացքում ցավեր, անհարմարարության զգացում կամ այլ տհաճ զգացողություններ ունենալու դեպքում անհրաժեշտ է հանել բանդաժը և դիմել բուժող բժշկին:
*Բանդաժը՝ բժշկի նշանակմամբ, բուժական նպատակով K-06 օգտագործելու մեթոդն ու կրման ժամկետները նշանակում է բուժող բժիշկը:
Սպորտային կամ գործառական վնասվածքների կանխարգելման համար օգտագործել բանդաժը համապատասխան ծանրաբեռնվածության առկայության ժամանակ:
| Արտադրող | Valentine | ||||||||||
| Արտադրող երկիր | Թայվան |